Bakının tıxaclardan xilas yolu sayılan Dərnəgül yolu açılıb. Bu gün səhər saatlarında Ziya Bünyadov prospektinin Əhməd Rəcəbli küçəsindən Böyük Şor küçəsi istiqamətində gedən və təmir işləri ilə bağlı bağlanan yol sürücülərin ixtiyarına verilib.

Sürücülərin üç gündür saatlarla tıxacda qaldığı bu prospektin açılması, nəhayət, şəhərdə nəqliyyatın sıxlığının aradan qaldırılmasına kömək edəcək. Artıq həftənin ilk iş günündən etibarən Dərnəgül yolu istiqamətində gedən yolların tıxacsız ola biləcəyi ehtimal edilir.

Trend-ə danışan Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev bildirib ki, həmin küçədə işlər başa çatıb və avtomobillərin hərəkəti yenidən təmin olunub. Təmir işlərinə 100-dən yıxarı işçi 60 texnika cəlb olunub.