Ana səhifə Planet |
Ali pilotajın aviasiya qrupları – "Rus Vityazları" "Aeroşou Çayna-2014" aviakosmik sərgisində iştirak etmək üçün Çinə yollanıb.
Axar.az RİA Novostiyə istinadla bildirir ki, bu barədə Rusiya HHQ-nin rəsmi nümayəndəsi İqor Klimov məlumat verib:
"Bu gün "Vityazlar" 10-cu beynəlxalq "Aeroşou Çayna-2014" aviakosmik sərgisində iştirak etmək üçün Çin Xalq Respublikasının Çjuxay aerodromuna uğurlu uçuş həyata keçiriblər".
HHQ nümayəndəsi qeyd edib ki, aparıcı hərbi-nəqliyyat təyyarəsi İl-76 və 5 ədəd Su-27 qırıcısı 8 min kilometrdən artıq məsafənin öhdəsindən gələrək 13 saata yaxın havada olublar. Təyyarələr Rusiyanın iki – Tolmaçevo və Belaya aerodromlarında, eləcə də, Çinin Xux-xoto aerodromunda eniş ediblər.
"Rus Vityazları" beş, dörd və üç ekipaj üzvündən ibarət tərkiblərdə nümayiş uçuşu həyata keçirəcəklər, qrupun komandiri polkovnik Andrey Alekseyev isə həmişə olduğu kimi, tək pilotaj göstərəcək", – Klimov əlavə edib.
Xatırladaq ki, "Rus Vityazları" dünyada Su-27 nizami ağır qırıcılarda tək və qrup halında ali pilotajı yerinə yetirən yeganə pilot komandasıdır.
Tarix
2014.11.09 / 14:48
|
Müəllif
Təhminə C.B.
|