Ana səhifə İqtisadiyyat |
"Güman ki, azalma noyabrda da davam edəcək. Çünki neft 80 dollara yaxınlaşır. Dolların isə digər valyutalara nisbətən bahalaşması ehtiyatlarımıza mənfi təsir göstərəcək".
Axar.az xəbər verir ki, bu açıqlama ilə öz Feysbuk səhifəsində iqtisadçı-ekspert Samir Əliyev çıxış edib. Ekspert dünyanın əmtəə və maliyyə bazarlarında gedən proseslərin Azərbaycanın da strateji ehtiyatlarına zərbə vurduğunu deyib:
"Neftin ucuzlaşması və dolların bahalaşması fonunda 2014-cü ilin III rübündə Neft Fondunun aktivləri 317,1 milyon dollar azalıb. Azalma beynəlxaq ehtiyatlarda da müşahidə edilib. Beynəlxalq ehtiyatların xarici valyutada olan aktivlərinin azalması isə sentyabrda 340,18 milyon təşkil edib. Sentyabr ərzində xarici valyutada olan aktivlərin həcmi 17,783 milyardan 17,443 milyard dollara düşüb. Azalma digər maddələr üzrə də olub. Beynəlxalq Valyuta Fondunun xüsusi borcalma hüquqları üzrə göstərici isə 233,19 milyondan 238,29 milyon dollara enib. Güman ki, azalma noyabrda da davam edəcək. Çünki neft 80 dollara yaxınlaşır. Dolların isə digər valyutalara nisbətən bahalaşması ehtiyatlarımıza mənfi təsir göstərəcək".
Tarix
2014.11.07 / 16:24
|
Müəllif
İlham Sahiloğlu
|