Ana səhifə Toplum |
Türkiyənin İzmir şəhərində keçirilən 15-ci İzmir Qısa Film Festivalının mükafatlandırma mərasimi sona çatıb.
Axar.az xəbər verir ki, "Ən yaxşı xarici film" nominasiyasında Azərbaycan istehsalı "Sonuncu" (The Last) filmi "Qızıl Pişik" (Altın kedi) mükafatını qazanıb.
"Ən yaxşı yerli film" kateqoriyasında Sərhad Qaraaslan-ın "Dondurma" (Ice Cream) filmi 1-ci yerə çıxıb. Münsiflərin xüsusi mükafatına "Adri" filmi layiq görülüb. Ən yaxşı animasiya filmi nominasiyası üzrə Ethem Onur Bilgicin "Salxım söyüd" filmi layiq görülüb.
Xatırladaq ki, "Azərbaycanfilm" kinostudiyası ilə "Buta film" şirkətinin birgə çəkdikləri "Sonuncu" filminin rejissoru Sergey Pikalov, ssenari müəllifləri Sergey Pikalov və Aleksandr Krasavin, quruluşçu operatoru Denis Madışev, quruluşçu rəssamı Əziz Məmmədov, prodüserləri Mariya İvanova, Nəsib Piriyev və Müşfiq Hətəmov, baş rolun ifaçısı (veteran rolunda) isə İdris Rüstəmovdur.
"Sonuncu" bədii filmi 2014-cü ilin mayında 67-ci Kann kinofestivalının əsas proqramına qatılan ilkAzərbaycan filmidir.
Tarix
2014.11.06 / 23:44
|
Müəllif
Nilufər Muğantürk
|