Ukrayna hökuməti ölkənin bloklara qoşulmamaq statusunun ləğv edilməsini və NATO-ya doğru kurs görütməsini təqdir edib.

Axar.az xəbər verir ki, bu haqda Ukraynanın Baş naziri Arseni Yaçenyuk bildirib:

"NATO sammiti ərəfəsində bizim məqsədimiz Ukrayna və NATO arasında xüsusi statusun əldə edilməsidir. NATO Ukraynaya bir nömtəli xüsusi tərəfdaş statusu verməlidir. Ən doğru qərar Ukraynanın NATO üzvlüyünə qəbul edilməsi haqqında verilmiş qərar olardı. Bu qərar, əlbəttə, alyans üzvləri arasından sakitcə ötüşməyəcək".

Qeyd edək ki, NATO sammiti sentyabrın 4-5-də Böyük Britaniyada keçiriləcək. Sammit çərçivəsində dövlət və hökumət başçıları səviyyəsində Ukrayna-NATO komissiyasının iclasının keçirilməsi planlaşdırılır. Ukraynanın 28+1 formatında yüksək səviyyədə görüş keçirəcək yeganə tərəfdaş-ölkə olacağı gözlənilir.