"Bazadakı BMP-1 hərbi maşınları, eləcə də ayrı-ayrı xüsusi texniki vasitələr köhnəlib. Bundan başqa, onların istismar müddəti də başa çatıb", - deyə müdafiə naziri Sergey Şoyqu selektor müşavirəsində etiraf edib.

Axar.az RİA Novosti-yə istinadən bildirir ki, nazir Rusiya hərbi kəşfiyyatının mütləq yeni xüsusi texnika ilə təchiz edilməli olduğunu xüsusilə vurğulayıb. Onun sözlərinə görə, texniki vasitələrin perspektiv nümunələri işlənib hazırlanıb və qəbul edilib, lakin hələ ki onlar qoşun hissələrinə "az daxil olur".

Bu, maliyyə çatışmazlığı ilə əlaqədardır: "2014-cü il və 2015-2016-cı illər planlaşdırılma mərhələləri üçün dövlət müdafiə sifarişləri hazırlanarkən maliyyə çatışmazlığı üzündən müvafiq təkliflər tam olaraq nəzərə alınmamışdı".

Şoyqu müşavirədə yaranmış vəziyyətdən çıxış yollarını müzakirə etmək təklifini irəli sürüb.