Rusiya Prezidenti Vladimir Putin Ukraynanın şərqində Kremlin nəzarətində olan marionet dövlət yaratmaq istəyir.

Axar.az xəbər verir ki, bunu rusiyalı müxalifət lideri Boris Nemçov özünün Feysbuk səhifəsində yazıb.

"Putin Ukraynanı parçalamaq və ölkənin şərqində iqtisadi və siyasi cəhətdən Kremldən asılı olan Novorossiya marionet dövlətini yaratmağa çalışır. Bu məqsədinə nail olmaq üçün desantlardan, kadırovçulardan ibarət qoşun yeritdi, şərqə silah və döyüş texnikası yeritdi, Rusiyanı sanksiyalarla üz-üzə qoydu", - Nemçov bildirib.

Nemçovun sözlərinə görə, Ukrayna Kremlin kursunun əksinə diametrik, inkişaf vektoru yolunu tutub: "Ukrayna anti-kriminal inqilabla nümunə göstərdi – oğru prezidenti yıxdı. Bundan başqa Ukrayna Avropa yolunu, qanunun aliliyini, demokratiyanı seçdi. Ukraynanın bu yoldakı uğuru Putin hakimiyyəti üçün birbaşa təhdid idi".