Finlandiya Müdafiə naziri Karl Harlund bildirib ki, Finlandiya və İsveç NATO-nun çevik qüvvələrini öz ərazilərinə buraxacaqlar.

Axar.az "Helsingin Sanomat" qəzetinə istinadən xəbər verir ki, ölkələr 4-5 sentyabr 2014-cü ildə Uelsdə keçiriləcək sammitdə müvafiq müqavilələri imzalayacaqlar.

Sənədə əsasən, NATO-nun çevik qüvvələri Finlandiya və İsveç ərazisində təlimlər zamanı, fəlakət, fövqəladə vəziyyət hallarında və ölkənin təhlükəsizliyini təmin etməyə ehtiyac yaranarsa, sərbəst hərəkət edə bilərlər. Dövlət də öz növbəsində, uyğun qrupları dəstəkləməli və təmin etəlidir.

Bununla belə, Finlandiya Müdafiə Nazirliyinin nümayəndəsi Mika Varvikko "YLE Radio Suomi"nin efirində bildirib ki, təmsil etdiyi institut NATO ilə hərbi yardım haqqında planlaşdırılan razılığın imzalanmasını Alyansa daxil olmaq üçün edilən bir addım hesab etmir.

Xatırladaq ki, Finlandiya Rusiya ilə sərhəddə yerləşir.