"Azərbaycanın İranla tarixi, mədəni bağlantıları var".

Bu sözləri Axar.az-a XİN mətbuat xidmətinin rəhbəri Elman Abdullayev İranda pilotsuz təyyarənin qəzaya uğraması ilə baglı məsələyə münasibət bildirərkən dedi.

O bildirdi ki, Azərbaycan qonşu dövlətlərdə münasibətlərinə böyük əhəmiyyət verir:

"Heç bir 3-cü tərəf qonşu ölkələrlə münasibətilərimizə xələl gətirə bilməz. Azərbaycanın İranla tarixi, mədəni bağlantıları var. Hansısa 3-cu tərəf dezinformasiya yayaraq, münasibətlərimizin inkişafına xələl gətirə bilməz".

Nazirlik rəsmisi onu da bildirdi ki, İranın Azərbaycandakı səfiri ilə qarşılıqlı məsləhətləşələr aparılır:

"Məsələ ilə bağlı İranın Azərbaycandakı səfirliyi ilə məsləhətləşməyə gəlincə isə, bu, təkcə indi yox, mütəmadi olaraq aparılır. Bizim əsas prioritet istiqamətlərimizdən biri də qarşılıqlı, bərabərhüquqlu münasibət qurmaqdır. Hal-hazırda İranla Azərbaycan arasında münasibətlər yüksələn xəttlə inkişaf edir".

Xatırladaq ki, İranda kəşfiyyat apardığı zaman vurulan pilotsuz təyyarənin Azərbaycandan havaya qalxması barədə Qərb mediasında iddialar səsləndirilib.