Rusiyanın Stavropol vilayətinin Əsgər Anaları Komitəsi Ukraynada öldürülən və yaralanan rus əsgərlərinin siyahısını tərtib edib.

Axar.az xəbər verir ki, bu barədə "Dojd" kanalına komitə rəhbəri Lyudmila Boqatenkova açıqlama verib.

"Məndə 400 nəfərlik siyahı var. Oraya ölən və yaralananlar daxildir", - Boqatenkova deyib.

Siyahı silahlı qüvvələrdəki müxtəlif mənbələrinin verdiyi məlumatlar əsasında tərtib olunub. Orada Vladiqafqazdan, Şumlendən, Şalindən, Borzoydan olanlar var.

Ölən və yaralanan hərbçilərin xidmət etdikləri hərbi hissələrin də adları açıqlanıb; Suvorov ordenli 19-cu moto-atıcı Voronej-Şumlen (Vladiqafqaz- Şimali Osetiya), Şalidə yerləşən 17-ci moto-atıcı qvardiya briqadası və Şatoyda yerləşən 8-ci əlahiddə moto-atıcı qvardiya briqadası (hər ikisi Çeçenistanda yerləşir).

Boqatenkovanın sözlərinə görə, bundan başqa Rusiyanın digər hərbi hissələrində qulluq edən hərbçilərin də siyahısı var. Ölən və yaralananların siyahısı tam deyil və daim yenilənir.