Ana səhifə Toplum |
13:27
İsmayıllı rayonu, Qaraqaya kəndində dağlıq ərazidə quru ot, kol-kos və qurumuş ağac kötükləri yanır.
Axar.az FHN-nin rəsmi saytına istinadən xəbər verir ki, yanğının söndürülməsinə Fövqəladə Hallar Nazirliyinin Aviasiya Dəstəsindən 1 ədəd təyyarə, 2 ədəd helikopter, Dövlət Yanğından Mühafizə Xidmətinin yanğınsöndürmə texnikası və şəxsi heyəti cəlb edilib.
Hazırda yanğının söndürülməsi üzrə işlər davam etdirilir.
Əlavə məlumat veriləcək.
***
15:18
Ekologiya və Təbii Sərvətlər Nazirliyi İsmayıllıdakı meşə yanğını ilə bağlı məlumat yayıb.
Axar.az Ekologiya və Təbii Sərvətlər Nazirliyinin rəsmi saytına istinadən xəbər verir ki, avqustun 26-da saat 17 radələrində İsmayıllı Meşə Mühafizəsi və Bərpası Müəssisəsinin Talıstan meşəbəyliyinin 2 saylı dolayının yüksək dağlıq sahəsində yanğın hadisəsi baş verib.
İlkin ehtimala görə, yanğın meşədə böyürtkən yığan kənd sakinlərinin odla ehtiyatsızlığı səbəbindən baş verib. Yanğının söndürülməsinə ETSN-nın müvafiq yerli qurumlarının və Fövqəladə Hallar Nazirliyinin (FHN) Yanğından Mühafizə İdarəsinin əməkdaşları cəlb olunub.
Qeyd edək ki, yayılma arealı geniş olsa da, yanğın bir-birindən aralı məsafələrdə yerləşən kiçik sahələrdə ümumilikdə 1 hektar quru ot və kol örtüyünü əhatə edir. Yanğının qarşısını almaq üçün ETSN və FHN-nin yerli qurumlarının əməkdaşları tərəfindən operativ tədbirlər davam etdirilir.
Havaların isti və quraq keçməsi ilə əlaqədar Ekologiya və Təbii Sərvətlər Nazirliyi bir daha əhalini təbiətdə olarkən odla ehtiyatlı olmağa, yanğın təhlükəsizliyi qaydalarına riayət etməyə çağırır.
Tarix
2014.08.27 / 15:18
|
Müəllif
Axar.az
|