Dünən Ukraynanın "Azov" batalyonunun döyüşçüləri Mariupolda terror aktı və təxribat törətmək istəyən, eyni zamanda qondarma Donetsk Xalq Respublikasının sponsorunu həbs ediblər.

Axar.az xəbər verir ki, bu barədə batalyonun Feysbuk səhifəsində məlumat verilib.

"Cinayətkar buna qədər Moskvanın metallurgiya zavodlarının birində təhlükəsizlik rəisi olub. Saxlanılanın ən böyük cinayəti isə Rusiya ərazisindən gələn terrorçu qüvvələri gözləyən xüsusi dəstələr yaratmasıdır", - məlumatda bildirilib.

Qeyd olunub ki, həmin şəxslərə silahlar Rusiya ərazisindən çatdırılmalı idi.

"Azov"dan bildirilib ki, terrorçu həbs olunan zaman müqavimət göstərməyib. Hazırda, o Ukrayna Təhlükəsizlik Xidmətinə təhvil verilib.