Ana səhifə Planet |
Ukrayna və Rusiya prezidentləri Poroşenko və Putinin növbəti danışıqları 28 avqustda Ankarada keçirilə bilər.
Axar.az "Yevro Pravda"ya istinadən bildirir ki, bu görüş Türkiyə prezidenti Rəcəb Yayyib Ərdoğanın inauqurasiyası çərçivəsində mümkündür. Ukrayna-Rusiya ikitərəfli, eləcə də Ukrayna-Türkiyə-Rusiya üçtərəfli görüş imkanları araşdırılır. Lakin rəsmi Kiyev və Moskva bu informasiyanı heç bir vəchlə şərh etmirlər. Diplomatik mənbələr isə görüşün baş tutacağını qəti şəkildə təsdiqləmirlər. Eyni zamanda, prezisent Poroşenkonun Administrasiyası Rəcəb Tayyib Ərdoğanın da adı keçən danışıqların təşkili üzərində fəal işləyir.
Qeyd edilir ki, belə bir görüşün mümkünlüyünü tərəflər xeyli əvvəldən müzakirə ediblər. Ankaradakı danışıqlar haqqında qəti qərarın bu gün axşam Minskdə qəbul ediləcəyi gözlənilir.
Tarix
2014.08.26 / 23:34
|
Müəllif
Təhminə C.B.
|