Ukrayna Prezidenti Pyotr Poroşenko Minskdə Avropa İttifaqının xarici siyasət və təhlükəsizlik məsələləri üzrə nümayəndəsi Ketrin Eştonla görüşüb.

Axar.az UNİAN-a istinadən xəbər verir ki, tərəflər arasında görüş bu gün Ukrayna-Avropa Birliyi –Avrasiya Birliyi arasında danışıqlar çərçivəsində baş tutub.

Poroşenko görüş zamanı bildirib ki, Ukrayna sentyabr ayında Avropa Birliyi ilə assosiativ müqaviləni imzalayacaq.

Prezident eyni zamanda bildirib ki, ölkədə parlament seçkilərinin də oktyabr ayına təyin olunması assosiativ müqavilənin imzalanmasına mane olmayacaq: "Ukraynanın Avropa Birliyinə inteqrasiyası bizim sivil seçimimizdir. Və bu heç bir halda bizim qonşularımıza qarşı yönəlməyib, əksinə qonşularımızla əlaqələrimizi inkişaf etdirir".