Qaqauziya əhalisi məmnuniyyətlə Rusiyanın tərkibinə daxil olacaq.

Axar.az xəbər verir ki, bu açıqlama ilə Rusiyanın Liberal Demokrat Partiyasından olan deputat Roman Hudyakov çıxış edib.

O, Moldova hakimiyyətini "Qərbin nəzarəti altında olan xəstələr" adlandırıb:

"Bunlar 90-cı illərdə kontrbanda ilə əldə etdikləri siqaret və spirti satmaqla varlanan kommersantlardır. İndi də Amerikanın əliylə hakimiyyətə gəliblər. Hazırda Ukraynada da bu tip şəxslər rəhbərlikdədir. Qaqauzlar provaslavdırlar və Rusiyaya yaxın xalqdırlar. Rusiya ilə əməkdaşlıq onlar üçün siyasi cəhətdən vacibdir. Qaqauzlar hər zaman Dnesteryanı və Moldovanın Rusiya ilə birgə Gömrük İttifaqına girməsinin tərəfdarı olublar".