Bakının Tehrana müraciətinə cavab gəldi İranın Energetika nazirinin müavini Əli Məcidi Azərbaycanın İrana qaz nəqlini artırmaqla bağlı müraciətini dəyərləndirib.

Axar.az xəbər verir ki, İRNA-ya danışan Əli Məcidi Azərbaycan ilə qaz nəqlinin illik bir milyard kubmetr olduğunu açıqlayıb: "Qazı Azərbaycandan alaraq Naxçıvana veririk və əvəzində nəql xərci olaraq pay götürürük.

Azərbaycan hazırda qaz nəqlinin artırılması üçün müraciət edib. İki ölkə nümayəndələrinin arasında keçiriləcək görüşdə bu müraciət müzakirə ediləcək.

Təbii ki, biz bu müraciətə müsbət yanaşırıq və hesab edirəm ki, anlaşmada heç bir problem olmayacaq".