"Saakaşvili Gürcüstanda vəziyyəti qarışdırmaq istəyir".

Axar.az xəbər verir ki, bu açıqlama ilə gürcü deputatı Zurab Xubulaşvili çıxış edib.

O, Saakaşvilinin ölkədən pul çıxarmaq üçün Azərbaycandan istifadə etmək istədiyini bildirib:

"O, Gürcüstanın azad edilməsi qərargahının yaradıldığı elan edib. Aydındır ki, Saakaşvili bununla ölkədəki situasiyanı qeyri-stabil vəziyyətə gətirmək istəyir. Amma bunun üçün o, Gürcüstandan böyük pullar aparmalıdır. Onlar öz işləri üçün kanalı Azərbaycan sərhədi vasitəsilə yaratmaq istəyirdilər. Amma iki deputat milyon dollarla sərhəddə yaxalandı. Demək, artıq bu yol bağlanıb".

Qeyd edək ki, iyunun 20-də Bakı aeroportunda Gürcüstanın Vahid Milli Hərəkatının iki deputatı saxlanılmışdı. Həmin deputatların İrma Nadiraşvili və Zurab Caparidze olduğu bildirilmişdi. Həmin vədə Azərbaycan hüquq mühafizə orqanları hər iki şəxsin üzərindən böyük məbləğdə deklorasiyasız pul aşkarlamışdı.