İŞİD döyüşçüləri İraq anbarlarından yüz tonlarla buğdanı oğurlayaraq satır.

Axar.az xəbər verir ki, bu barədə İraq hökumətinin səlahiyyətliləri məlumat verib. İŞİD döyüşçülərinin oğurladıqları buğdanı İraq sərhədlərindən çıxarıb satmağa çalışdıqları bildirilir.

İraq Taxıl Dairəsi müdiri Həsən İbrahim İŞİD-in etnik və dini azlıqların yaşadığı Nineviya şəhərindən 50 min tona yaxın buğda oğurladığını açıqlayıb.

İŞİD-in Anbar bölgəsindən isə 700 tondan artıq buğda oğurladığı və Suriyada nəzarətlərində olan bölgələrə apardıqları məlum olub.

Həsən İbrahim İŞİD-in oğurlanan buğdanı digər bölgələrdə hökumətə satmağa çalışdığını və buna görə də yerli fermerlərdən buğda alışını dayandırdıqlarını deyib.