Cənubi Koreyaya 5 günlük səfəri çərçivəsində Roma Papası I Françis Koreya Yarımadasında sülh çağırışı ilə çıxış edib.

Axar.az xəbər verir ki, Papa Şimali və Cənubi Koreyadan nəticəsiz müzakirələrə və güc nümayişlərinə son verilməsini istəyib.

Papa açıqlamasında deyib ki, bölgədə sülhün təmin edilməsi üçün qarşılıqlı hörmət hakim olmalıdır. İttihamların və güc nümayişlərinin tez bir zamanda sona çatdırılmasının zəruri olduğunu deyən Papa problemlərin diplomatik yolla həllinin mümkünlüyünü bildirib.

Cənubi Koreya prezidenti Pak Kin Hee isə Papanın ölkəyə gəlişindən çox xoşbəxt olduqlarını dilə gətirərək, Papa Françısdən Koreya Yarımadasında sülh və əmin-amanlığın təmin edilməsi üçün onlara kömək etməsini istəyib.

Papa Françis 5 günlük səfəri çərçivəsində din adamları, xəstə və yoxsullarla da görüşəcək. Papa həmçinin XVIII-XIX əsrlərdə həyatını itirən 124 katolik koreyalı ilə bağlı keçiriləcək ayini də idarə edəcək.