Ana səhifə Planet |
Rusiya prezidenti Vladimir Putinin yaxın dostları, "Xirurq" ləqəbli Aleksandr Zaldostanovun lideri olduğu "Gecə canavarları" bayker qrupunun üzvləri gözlənilmədən Tiflisə səfər ediblər.
Axar.az-ın Gürcüstanın İctimai Televiziyasına istinadən verdiyi xəbərə görə, baykerlərin məqsədi hər iki ölkə arasında münasibətlərin normallaşmasına töhfə verməkdir.
Qeyd edək ki, Qori şəhərində İosif Stalinin ev muzeyinə baş çəkən klub üzvləri daha sonra Tiflisə gəliblər. "Xirurq" bidirib ki, o heç vaxt Gürcüstana vətəndaşlığı təsdiqləyən sənədlə səfər edəcəyini ağlına belə gətirməyib. Gürcü və rusları qardaş xalqlar adlandıran Zaldostanov 2008-ci ilin məlum avqust hadisələrinin geosiyasi vəziyyətdən meydana gəldiyini və baş verənlərə görə üzüldüyünü dilə gətirib.
Xatırladaq ki, Rusiya dövlət başçısı Vladimir Putinlə dost münasibətində olan Aleksandr Zaldostanov öz siyasi açıqlamaları ilə diqqət çəkib. Onun Krım hadisələrində separatçılığa çağırışları Ukrayna cəmiyyətində etirazla qarşılanmışdı.
Diqqətə çatdıraq ki, son zamanlar Gürcüstan daxilində Rusiya ilə əlaqələrin qurulmasının vacibliyi müxtəlif tribunalardan səslənməkdədir. Putinə yaxınlığı ilə seçilən "Gecə canavarları"nın Tiflisə səfərləri Gürcüstan müxalifətinin kəskin etirazına səbəb olub.
Tarix
2014.08.14 / 15:51
|
Müəllif
Telman Məmmədli
|