09:10

Bakıda avtobus qəzası baş verib.

Sabunçu Rayon Polis İdarəsindən APA-ya verilən xəbərə görə, hadisə tikilməkdə olan Olimpiya Stadionu qarşısında baş verib. 148 saylı xətt üzrə hərəkət edən marşrut avtobusu idarəetməni itirərək aşıb. Nəticədə avtobusun sürücüsü 31 yaşlı Haqverdi Kərimov aldığı ağır xəsarətlərdən hadisə yerində ölüb.

Avtobusda olan sərnişinlərdən 10 nəfər müxtəlif bədən xəsarətləri alıb. Onların adları dəqiqləşdirilir.

Qəza səbəbindən şəhər istiqamətində böyük tıxac yaranıb.

Faktla bağlı araşdırma aparılır.

***

11:01

Bakı şəhər Təcili və Təxirəsalınmaz Tibbi Yardım Stansiyasından Trend-ə verilən məlumata görə, qəza zamanı xəsarət alan sərnişinlərdən 8 nəfəri həmin xəstəxanaya çatdırılıb, lakin onlardan biri yolda dünyasını dəyişib. Hadisə nəticəsində 2 nəfər dünyasını dəyişib.

Zərərçəkənlərdən biri azyaşlı uşaq olub. Zərərçəkənlərin arasında 80 yaşlı qadın da olub. Uşaq əməliyyat olunur. Zərərçəkənlərin vəziyyəti kafi qiymətləndirilir.

Qəza səbəbindən şəhər istiqamətində böyük tıxac yaranıb.

Faktla bağlı araşdırma aparılır.

***

Sabunçu Rayon 3 saylı klinik xəstəxanasına hadisə ilə əlaqədar 7 nəfər yaralı gətirilib.

Axar.az-a xəstəxanadan verilən məlumata əsasən, onlardan ikisi reanimasiyadadır, daha bir nəfər isə cərrahiyyə şöbəsində əməliyyata alınıb. Yaralılardan biri Bakı şəhər Təcili və Təxirəsalınmaz Tibbi Yardım Stansiyasına üz-çənə əməliyyatı üçün göndərilib. Üçünün vəziyyəti isə normal olduğu üçün evə buraxılıb.