Azərbaycan prezidenti İlham Əliyev və xanımı Mehriban Əliyeva Azərbaycan Xalçası və Xalq Tətbiqi Sənəti Dövlət Muzeyinin açılışında iştirak ediblər.

Dövlət başçısı mərasimdə çıxış edib.

Sonra akademik Teymur Bünyadov, xalçaçılıq üzrə ekspert Məmmədhüseyn Hüseynov və muzeyin direktoru Röya Tağıyeva çıxış ediblər. Onlar Mehriban Əliyevanı ad günü münasibətilə təbrik ediblər.

Daha sonra prezident İlham Əliyev və xanımı Mehriban Əliyeva muzeydə yaradılmış şəraitlə tanış olublar, burada nümayiş etdirilən xalçalara baxıblar.

Sonda xatirə şəkli çəkdirilib.

***

Prezident İlham Əliyev Bakıdakı 23 nömrəli orta məktəbin yenidən tikilmiş binasının açılışında iştirak edib.

Avqustun 26-da Azərbaycan Respublikasının Prezidenti İlham Əliyev və xanımı Mehriban Əliyeva Bakıdakı 23 nömrəli orta məktəbin yenidən tikilmiş binasının açılışında iştirak ediblər.

Dövlətimizin başçısı məktəbin binasının rəmzi açılışını bildirən lenti kəsdi.

Prezident İlham Əliyev və xanımı Mehriban Əliyeva məktəbdə yaradılmış şəraitlə tanış oldular.

Sonda məktəbin şagirdlərinin ifasında ədəbi-bədii kompozisiya nümayiş etdirildi.

AzərTac