Ana səhifə Toplum |
Mağazalarda saxlanılan yararsız məhsullar satışdan çıxarılaraq məhv edilib.
Axar.az xəbər verir ki, İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti növbəti monitorinqlər keçirib.
Monitorinqlər zamanı Bakının Xətai, Suraxanı, Binəqədi rayonlarında, eləcə də Sumqayıt, Qax, Zaqatala, Gəncə, Zərdab, Hacıqabul, Qusarda mağazalarda saxlama müddəti ötmüş malların satıldığı aşkarlanıb. Ümumilikdə, 40 kiloqrama yaxın saxlama müddəti ötmüş və ya normativ sənədlərin tələblərinə cavab verməyən ərzaq malları satışdan çıxarılaraq məhv edilib.
Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.
Tarix
2014.08.22 / 13:25
|
Müəllif
Nigar İxtiyarqızı
|