Rusiyanın Sibir bölgəsində atəş zalında 16 yaşlı gənc silahla zarafat edərkən məşqçisinin ölümünə səbəb olub.

Axar.az xəbər verir ki, Sibirin Novokuznetsk şəhərində idman məktəbinin atəş zalında baş verən hadisə təhlükəsizlik kameraları tərəfində görüntülənib. Görüntülərdə 16 yaşlı gəncin silahla məşqçisini nişan aldığı və atəş açıldığı zaman məşqçinin yerə yıxıldığı əks olunub. Cinayəti törədən şəxs isə dərhal hadisə yerindən qaçıb.

Onu da bildirək ki, iyunun 13-də baş verən bu hadisənin görüntüləri bu günlərdə mediaya sızıb. Buna görə bölgə istintaq komissiyasının səlahiyyətliləri hadisə ilə bağlı açıqlama verməli olub. İstintaq komissiyasından verilən açıqlamada hadisəni törədən gəncin həbs olunduğu bildirilib. Eyni zamanda, gənc cinayəti qəsdən törətmədiyini, zarafat məqsədi ilə məşqçisini nişan aldığını qeyd edib.