Kiyevdə Sibirin azadlığına dəstək yürüşü keçirilib.

Axar.az İb.ua-ya istinadla xəbər verir ki, "Sibirə eşq olsun", "Putin, Sibirə azadlıq ver" şüarları ilə keçirilən yürüşdə Sibirin himni oxunub.

Şəhərin iki müxtəlif istiqamətindən yürüşə başlayan iştirakçılar son olaraq Maydanda toplanıblar.

Sibirin azadlığına daha bir dəstək aksiyası isə Xarkovda keçirilib. Ukrayna və Sibir bayraqları qaldıran iştirakçılar Xarkovdakı Rusiya konsulluğunun önünə yığışıblar.

Xatırladaq ki, bu gün Sibirin azadlığı uğrunda silahlı mübarizənin başladıldığı haqda video-müraciət yayılıb. Rusiyalı mütəxəsislər bu müraciətin həqiqəti əks etdirmədiyini, ukraynalılar tərəfindən təxribat məqsədi ilə yayıldığını bildiriblər.