Fransa Xarici İşlər naziri Loran Fabius Kobanidən sonra, Hələbin də köməyə ehtiyacı olduğunu bildirib.

Axar.az xəbər verir ki, Fabius suriyalı müxalif qüvvələri gücləndirməklə Bəşər Əsəd rejmininin idarəsi altında olan Hələbi də azad etmək üçün hərəkətə keçməyin lazımlığını vurğulayıb.

Fabius da digər həmkarları kimi İŞİD-in İslam dünyası ilə əlaqəsinin olmadığını deyib. Hələbin strateji əhəmiyyətindən danışan Fabius əhalinin yardıma ehtiyacı olduğunu bildirib:

"Hələb şəhərinin yeganə əlaqəsi Türkiyəyə gedən yoldur. Əsəd rejimi şəhərin müqavimətini əhalini ac və susuz saxlamaqla qırmaq istəyir. Hələbdən 1 milyon insan qaçıb. Ancaq şəhərdə 300 min insan qalıb".