Nyu York Prokurorluğu ABŞ-ın Ədliyyə Nazirliyi ilə birgə rus oliqarxı Gennadi Timçenkonun şirkəti olan "Gunvor Group"un çirkli pullarının yuyulması şübhəsinə görə araşdırmaya başlayıb.

Axar.az xəbər verir ki, bu barədə informasiyanı "Val Strit Jurnal" ("The Wall Street Journal") yayıb.

Məlumatda bir zamanlar Timçenkonun idarə etdiyi şirkətin Rusiya ilə imzalanmış korrupsiya xarakterli anlaşmalarla bağlı olduğu bildirilir. Hazırda isə prokurorlar şirkətin "Rosneft"lə olan şübhəli əlaqələrini yoxlayır.

Qeyd edək ki, "Gunvor Group" şirkətinin 44%-i ABŞ-ın Rusiyaya sanksiyalar tətbiq edəcəyi ana qədər Gennadi Timçenkoya məxsus olub. Sanksiyalar tətbiq edildikdən sonra isə Timçenko özünə məxsus səhmləri partnyoruna satıb.

Onu da xatırladaq ki, Timçenko Vladimir Putinin yaxın adamları sırasında yer alır.