"Avropa Rusiya qazından imtina etməyib və orta perspektivdə Avropanın Rusiya qazını tam əvəz edə bilən alternativi yoxdur. Azərbaycan isə Avropanı qismən qazla təmin edəcək".

Bu fikirləri Axar.az-a açıqlamasında Milli Məclisin iqtisadiyyat komitəsinin üzvü, deputat Əli Məsimli dedi.

Ə.Məsimlinin sözlərinə görə, Azərbaycanın müstəqil energetika siyasəti yeritməsi Rusiyanı qıcıqlandırır: "Bunun qarşısını almaqdan ötrü Rusiya həmişə təzyiq edib, indi də Azərbaycanı Gömrük və Avrasiya İttifaqına sürükləmək istəyir".

Deputat hesab edir ki, Azərbaycan bu təzyiqlər qarşısında indiyədək duruş gətirə bilib: "Siyasətini bu cür də davam etdirməklə duruş gətirməkdə davam edəcək".