Dünən bütün Azərbaycan "Qarabağ"lı idi. Səbəb "Qarabağ" futbol klubunun tarixində ilk dəfə avrokubokların qrup mərhələsində oynamaq şansı əldə etməsidir.

Hollandiyanın "Tvente" klubunu doğma meydanda 1:1 bərabərliklə, ümumi hesabda qabağa çıxan "Qarabağ"ın bu qələbəsi Bakıda yürüşlə qeyd edildi.

Sosial şəbəkələrdə "Qarabağ"ın qələbəsinə həsr edilən statuslar da oxunmağa layiqdir.

Axar.az həmin statusları təqdim edir:

Turxan Qarışqa: "Qarabağ" Avropa Liqasında! Qurban Qurbanova zəng edib təbrik etdim. Sevincindən ağlayırdı".

Şəmsəddin Həsənov: "Qarabağ FK sübut etdi ki, Azərbaycanda futbol ölməyib".

Həbib Müntəzir: "Biz Qarabağı almadıq, əvəzində Qarabağ Avropanı aldı. Təbriklər!"

Emil Salamoğlu: "Minlərlə insan "Qarabağ" qışqıracaq, ancaq stadionda".

İlqar Vəliyev: "Qarabağ" Avropaya Azərbaycanın olduğunu göstərdi. Qürur mənbəyimizsən!"

Ehtiram Mehdiyev: "Sevincimin həddi-hüdudu yoxdur bu dəqiqə. Sevirəm səni, Qarabağım".

Aynur Elgünəş: "Biz "Qarabağ"lılar çox yaxşıyıq".

Şəfi Şəfiyev: "Muarrem qol vuranda metrodaydım, "Ulduz"da. Nәtәr qışqırdımsa, hәr kәs mәnә baxdı! Dedim, "Qarabağ" qol vurub. Heç kәs sevinmәdi, çünki metrodakılar "Neftçi" azarkeşlәri idi".

Toğrul İsmayıl: "Millətin qələbəyə nə qədər ac olduğu bir daha özünü göstərdi. Təbriklər "Qarabağ". Davamı gəlsin!"

Rahil Kərimov: "Tək gözəllik qurban tələb eləmir, futbol da Qurban tələb eləyir. Qurban sizə, bəs deyirdiz Azərbaycanda futbol yoxdu?"

Anar Şabanoğlu: "Azərbaycanda futbol yoxdu, Qurban var!"

Muxtar Mikayıllı: "Qurban "Tvente"ni "Qarabağ"a qurban kəsdi".

Rövşən İsax: "Sabah püşk atılacaq və bütün Avropa onu belə oxuyacaq: "Qarabağ – Azərbaycan".