Ana səhifə Planet |
"Rusiya ordusunun Ukrayna ərazisində genişmiqyaslı işğal planı real deyil".
Axar.az xəbər verir ki, bu açıqlama ilə ukraynalı politoloq Yuri Romonenko çıxış edib.
O, Rusiyanın Ukrayna ərazisini işğal etmək üçün ordusunun yetərincə olmadığını bildirib:
"İlk növbədə, hamı çox gözəl başa düşür ki, Rusiya Donbasda işğalçılıq siyasəti yürüdür. Çünki bu dörd ay ərzində yerli döyüşçüləri oradan çıxarıblar. Bizim hərbçilər də həmin ərazidə rusların döyüşdüyünü açıq-aşkar deyir. Rusiya hər gün ora onlarla tank, BTR və əsgərlər yeridərək müharibə aparır. Lakin onu genişmiqyaslı müharibəyə çevirməyə Rusiyanın nə ordusu, nə də vasitəsi var. Əgər o, Ukraynanın yarısını işğal etmək istəsəydi, ona bir neçə yüz min əsgər lazım olardı. Ekspertlərin araşdırmasına görə, Rusiya ordusunun yararlı əsgərlərinin sayı 50 mindən 100 minə qədərdir. Məhz bu səbəbdən Rusiya Ukraynada ağır iqtisadi vəziyyət yaratmaq üçün Donbasdakı infrastrukturu məhv edir".
Tarix
2014.08.20 / 12:29
|
Müəllif
Ülkər Cəfərova
|