"Təmas xəttindəki zorakılıq və gərginlik konfliktin sülh yolu ilə nizamlanması prosesini baltalayır".

"Axar.az" xəbər verir ki, bu sözləri Minsk qrupunun ABŞ-dan olan həmsədri Ceym Uorlik öz Tvitter səhifəsində yazıb.

Amerikalı həmsədr həmçinin yanvarın 20-də təmas xəttində baş vermiş toqquşma ilə əlaqədar ölmüş erməni əsgərinə görə kədərləndiyini də bildirib.

Qeyd edək ki, Ermənistan mətbuatı yanvarın 20-də Azərbaycan Silahlı Qüvvələrinin diversiya qrupunun təmas xəttində təxribat törətməsi haqqında informasiya yaymışdı. Azərbaycan Müdafiə Nazirliyi dərhal buna reaksiya verərək yayılan xəbərlərin əsassız olduğunu bildirmişdi.