"Əgər Ukraynanın cənub-şərqində vəziyyət nizamlansa, ABŞ Rusiya əleyhinə sanksiyaları ləğv etməyə hazırdır".

Axar.az Lenta.ru-ya istinadla bildirir ki, bu fikri ABŞ-ın BMT yanında daimi nümayəndəsi Samanta Pauer bildirib.

O, "əgər qan tökülməsinə son qoyulsa, sanksiyalar ləğv edilləcək", - deyə bildirib ki, ABŞ konfliktin deskalasiyası üçün Rusiyanın Minsk razılaşmasının şərtlərini yerinə yetirməsinə nail olacaq. Pauerin sözlərinə görə, vəziyyət tədricən düzəlmək istəyir, ancaq konfliktin ilkin səbəbləri dəyişməz olaraq qalır.

Rusiyanın BMT yanında daimi nümayəndəsi Aleksandr Pankin də öz növbəsində bildirib ki, Ukraynada atəşkəs rejiminə tam riayət olunmur:

"Əksinə, bütün atəşkəs müddəti ərzində Ukrayna qoşunlarının, demək olar ki, bütün cəbhə boyunca toplaşması müşahidə olunur".

Pankin həmçinin qeyd edib ki, Kiyevin Ukrayna ərazisində rus qoşunlarının döyüşməsi haqqında bəyanatı gerçəkliyə uyğun deyil.