Rusiyanın Ermənistandakı 102-ci hərbi bazasının hərbçiləri İrəvanda Qələbənin 70 illiyinə həsr olunmuş paradda iştirak edəcək.

Axar.az RİA Novosti-yə istinadən xəbər verir ki, bu barədə Rusiya Müdafiə naziri Sergey Şoyqu ilə erməni həmkarı Seyran Ohanyan arasında keçirilən görüşdə qərar qəbul olunub.

"Rusiya və Ermənistanın müdafiə nazirləri 102-ci hərbi bazanın şəxsi heyəti və hərbi texnikasının İrəvanda Böyük Vətən Müharibəsində Qələbənin 70 illiyinə həsr olunmuş paradda iştirak etməsi barədə razılığa gəliblər", - Rusiya Müdafiə Nazirliyinin məlumatında bildirilib.

Məlumatda həmçinin qeyd olunub ki, iki ölkənin müdafiə nazirlikləri arasında 2015-ci ilin əməkdaşlıq planı da təsdiq olunub.