Ana səhifə Gündəm |
18:38
Azərbaycan Respublikasının Prezidenti İlham Əliyev Gədəbəy rayonunun Gədəbəy-Novosaratovka-Qaravəlilər avtomobil yolunun tikintisi ilə bağlı əlavə tədbirlər haqqında sərəncam imzalayıb.
Axar.az Prezidentin rəsmi saytına istinadən xəbər verir ki, sərəncama əsasən əlli doqquz min nəfər əhalinin yaşadığı 87 yaşayış məntəqəsini birləşdirən Gədəbəy-Novosaratovka-Qaravəlilər avtomobil yolunun tikintisinin davam etdirilməsi məqsədi ilə Azərbaycan Respublikasının 2014-cü il dövlət büdcəsinin dövlət əsaslı vəsait qoyuluşu xərclərinin bölgüsündə kəndlərarası avtomobil yollarının tikintisi və yenidən qurulması üçün nəzərdə tutulmuş vəsaitin 5,9 milyon (beş milyon doqquz yüz min) manatı Gədəbəy Rayon İcra Hakimiyyətinə ayrılıb.
Azərbaycan Respublikasının Maliyyə Nazirliyinə bu sərəncamın 1-ci hissəsində nəzərdə tutulan məbləğdə maliyyələşməni müəyyən olunmuş qaydada təmin etmək, Azərbaycan Respublikasının Nazirlər Kabinetinə də bu sərəncamdan irəli gələn məsələləri həll etmək tapşırılıb.
Azərbaycan Respublikası Prezidenti İlham Əliyev Bakı Metropoliteninin bir qrup işçisinin "Tərəqqi" medalı ilə təltif edilməsi haqqında sərəncam imzalayıb.
Axar.az prezidentin rəsmi saytına istinadən xəbər verir ki, sərəncama əsasən Bakı Metropoliteninin istismarı sahəsində səmərəli fəaliyyətlərinə görə "Tərəqqi" medalı ilə təltif edilib:
Ağaxanov Məhəmməd Sevzixan oğlu
Babayev Həmzə Şabanəli oğlu
Bəkirov Aydın Yavər oğlu
Cəfərov Kamal Namiq oğlu
Cəfərov Qiyas Nəbi oğlu
Əhmədov Vahid Oruc oğlu
Əmirov Fəxrəddin Əmiran oğlu
İsmayılov Kamran Kamal oğlu
Qədirov Məzahir Ağahüseyn oğlu
Orucov Ağaismayıl İsmayıl oğlu.
19:18
Prezident İlham Əliyv M.M.Həsənova və H.M.Məmmədova "Əməkdar mühəndis"fəxri adının verilməsi haqqında sərəncam imzalayıb.
Sərəncamda qeyd edilir ki, "Bakı Metropoliteninin istismarı sahəsində səmərəli fəaliyyətlərinə görə Məmməd Muxtar oğlu Həsənova və Hidayət Mahmud oğlu Məmmədova "Əməkdar mühəndis" fəxri adı verilsin".
Tarix
2014.11.07 / 19:18
|
Müəllif
Axar.az
|