Ana səhifə Planet |
21:38
2015-2016-cı il üçün BMT Təhlükəsizlik Şurasına keçirilən müvəqqəti üzvlüklə bağlı seçkilər başa çatıb.
Axar.az xəbər verir ki, BMT-nin əsas salonunda keçirilən səsvermə təkrar keçiriləcək.
Türkiyə də 2009-2010-ci ildə üzv olduğu BMT Təhlükəsizlik Şurasının müvəqqəti üzvlüyünə təkrar namizədliyini verib. Qərbi Avropa və digər qrup üçün iki yer ayrılmışdı. İki yer uğrunda Türkiyə, İspaniya və Yeni Zelandiya yarışır.
BMT Ümumi Qurumunda keçirilən səsvermədə bir ölkənin Təhlükəsizlik Şurasına seçilməsi üçün səslərin ən azı üçdə ikisini alması lazımdır. 193 ölkənin hamısının iştirak etdiyi səsvermədə ən azı 129 səs toplanmalıdır.
Qeyd edək ki, keçirilən ilk səsvermədə namizəd olan 3 ölkədən Yeni Zellandiya lazım olan səsi toplayıb və TŞ-nin müvəqqəti üzvü seçilib. Digər bir yer uğrunda isə təkrar səsvermə keçirilir.
Yeni Zelandiya - 145
Türkiyə - 109
İspaniya - 121
22:25
BMT Təhlükəsizlik Şurasına keçirilən təkrar səsvermə yekunlaşıb. 145 səs toplayan Yeni Zellandiya ilk mərhələdəcə TŞ-nin müvəqqəti üzvü seçilmişdi. Bir yer uğrunda İspaniya və Türkiyə arasında keçirilən səsvermə də yekunlaşıb. 60 səs toplayan Türkiyə 132 səs toplayan İspaniyaya məğlub olub və Priney ölkəsi TŞ-nin müvəqqəti üzvü seçilib.
Tarix
2014.10.16 / 22:25
|
Müəllif
Pərviz Həsənov
|