Ana səhifə Planet |
Kiyev mehmanxanaları dünyanın ən çirkli otellərinin onluğuna daxil olub.
Axar.az xəbər verir ki, "Hotel.info" turist portalının altı milyon izləyicisinin məlumatlarına əsasən tərtib edilmiş reytinq cədvəli bu qənaətə gəlməyə səbəb olub.
Reytinqə görə, ən təmiz otel nömrələri Tokiodadır – Yaponiya paytaxtının mehmanxanaları 10 mümkün baldan 8,93 toplayıb. "Gümüş"ü Varşava otelləri (8,76), üçüncü yeri isə Seul mehmanxanaları (8,73) qazanıblar. Moskva otelləri 8,45 balla altıncı yeri tutub. Qeyd edək ki, ən yaxşı otellərin onluğuna Bratislava, Sofiya, Lissabon, Helsinki, Banqkok və Byörn otelləri daxil olub.
Kiyev otelləri 7,71 balla anti-topdakı onluğun birinci yerini Brüssel otelləri ilə bölüşüb. Reytinqin aşağı hissəsində London, Oslo, Amsterdam, Kopenhaqen, Paris, Afina və San-Paulunun otelləri yer alıb.
Tarix
2014.08.31 / 23:34
|
Müəllif
Təhminə C.B.
|