Ana səhifə Planet |
Türkiyə Prezidenti Rəcəb Tayyib Ərdoğan seçkilərin nəticəsi elan olunduqdan sonra ilk müsahibəsini verib.
Axar.az-ın xəbərinə görə, ilk müsahibəsini "Əl Cəzirə" kanalına verən yeni prezident Türkiyənin gələcəyi ilə bağlı da yeni və önəmli mesajlar verib.
Ərəb jurnalistin seçkilər haqqında sualını cavablandıran Ərdoğan Türkiyədə səs-küyə səbəb olacaq cümlə işlədib:
"Gələcək prosesi çox fərqli bir şəkildə quracağıq. Bunun adı yeni Türkiyədir. Yeni Türkiyə təbii ki, fərqli olacaq".
Səs küyə səbəb olacaq məsələ odur ki, prezidentin müsahibəsi zamanı bir neçə dəfə haqqında danışdığı "Yeni Türkiyə" sözünü siyasi leksikona Mərkəzi Kəşfiyyat İdarəsinin (MKİ) Türkiyə üzrə rəhbəri vəzifəsində uzun illər çalışmış Qrehem Füller (Graham Fuller) "Yeni Türkiyə Cümhuriyyəti" kitabını yazaraq gətirib.
2008-ci ildə çap edilmiş kitab, "Kamalizm öldü, Türkiyə mülayim İslamdan bərk yapışmalıdır" kimi fikirlərdən ibarət olub və Türkiyədə böyük səs salıb.
Məlumat üçün deyək ki, "Qurdlar Vadisi Pusu" serialındakı Aron Feller obrazının MKİ agenti Qrehem Füller olduğu iddia edilir. İddiaların əsas arqumenti odur ki, Feller ilə Füllerin adları ilə bərabər özləri də bir birinə bənzəyir. Bununla yanaşı hər iki şəxsin eyni tərzdə danışması, ərəb, kürd və türk dillərini bilməsi iddiaları biraz da gücləndirir.
Tarix
2014.08.30 / 15:00
|
Müəllif
Tural Qurbanlı
|