Rusiya Prezidenti Vladimir Putin Ukrayna ordusunun həyata keçirdiyi hərbi əməliyyatları faşist əməliyyatları ilə müqayisə edib.

Axar.az xəbər verir ki, Putin Ukraynada baş verənləri faciə adlandıraraq, Ukrayna ordusunun əməliyyat taktikasını faşistlərə bənzədib:

"Kədərli olan odur ki, bu hadisələr mənə II Dünya Müharibəsini xatırladır. O dövrdə alman faşistləri şəhərlərimizə hücum edirdi. Məsələn, faşistlər Leninqradı (Sankt Peterburqu) mühasirəyə alaraq yaşayış sahələrini, insanları hədəfə alırdı. Görürsünüz nə vəziyyətlərə düşdük? Bu qorxuncdur. Bu faciədir".

Daha sonra Putin Ukrayna ordusunun hücumlarına cavab verən separatçıların əməliyyatlarını anlayışla qarşıladığını bildirərək, əsas məqsədin mülki əhalini qorumaq olduğunu deyib:

"Ukrayna ordusunun hədəfindəki mülki insanları qorumaq üçün şəhərləri hədəfə alan top və digər ağır silahların bölgədən uzaqlaşdırılmasını istəyirik".