Yunanıstan mətbuatı AKP partiyası rəhbəriliyinə namizəd Türkiyə Xarici İşlər naziri Əhməd Davudoğlunu "həftənin adamı" elan edib.

Axar.az xəbər verir ki, "Eleftheros Tipos" qəzeti Davudoğlunu "Baş nazir Ərdoğanın ideoloji məsləhətçisi, Türkiyənin beynəlxalq əlaqələrinin və müasir xarici siyasətinin baş memarı, türk siyasətinin simvolik adı" olaraq xarakterizə edib.

Davudoğlunun 2009-cu ildə Xarici İşlər naziri olması ilə Türkiyənin regional gücə çevrilmək yolunda xarici siyasətində dəyişikliklər etdiyini bildirən media orqanı Ərdoğanın rəsmi olaraq prezident elan edildikdən sonra onun xarici siyasət kursunu davam etdirəcəyini vurğulayıb.

Xatırladaq ki, ötən həftə də qəzet Türkiyə Baş naziri Ərdoğanı həftənin adamı elan etmişdi.