Ana səhifə Planet |
"Əgər bütün dünya Moskvaya qarşı sərt sanksiyalar irəli sürsə, Rusiya öz ölkəsində dağıdıcı proseslərə görə ilk növbədə Krımdan əl çəkə bilər".
Axar.az xəbər verir ki, bu açıqlama ilə Çeçen-İçkeriya Respublikasının Baş naziri Əhməd Zakayev çıxış edib.
O, Türkiyənin Rusiya dağılacağına görə Krım məsələsinə göz yumduğunu bildirib:
"Türkiyə rəhbərliyinin Krımda baş verənlərlə dəqiq informasiyası var. Onlar başa düşürlər ki, baş verənlərin hamısı Rusiyanın məğlubiyyətidir. Əgər bütün dünya Moskvaya qarşı sərt sanksiyalar irəli sürsə, Rusiya öz ölkəsində dağıdıcı proseslərə görə, ilk növbədə Krımdan əl çəkə bilər. Türkiyə buna görə gözlərini yumub. Hər kəs baş düşür Krım Rusiyanın olmayacaq və ola da bilməz. Bilmirəm, onlar neçə il dözəcəklər. Bəlkə də bu beş il davam etdi. Amma məncə, bu beş ildən də az olacaq. Rusiyanın özü Krımdan ölkəsindəki qaçılmaz proseslərə görə əl çəkəcək. Biz istisna etmirik ki, Putini daha radikal millətçilər əvəz edə bilər. Amma onlar sadəcə, Putinin başladığı dağıdıcı prosesi gücləndirəcəklər. Başqa variant da yoxdur. Biz özümüzdən asılı olan bütün hər şeyi edəcəyik ki, Çeçenistanda bundan sonra müharibə olmasın. Biz bir xalq olaraq 200 il vuruşmuşuq. Biz öz ölkəmizin azadlığı üçün çox böyük qarşılıq ödəmişik. Ona görə də çeçen dövlətinin qurulması uğrunda növbəti mərhələ daha ağrısız olacaq. Mən sizi əmin edirəm ki, bu proses başlayanda Kreml və rus ordusu Çeçenistanda olmayacaq".
Tarix
2014.08.16 / 09:59
|
Müəllif
İlkin Həsənov
|