Baltikyanı ölkələrdə NATO bazalarının yaradılması ilə əlaqədar bir qrup tanınmış latviyalı ziyalı Almaniya kansleri Angela Merkelə açıq məktubla müraciət edib.

Axar.az-ın "Delfi.lv"yə istinadla xəbərinə görə, onlar bununla lənətlədikləri Moltov-Ribbentrop paktının bənzərinin Avropada təkrarlanmayacağı qənaətindədirlər.

Məktub müəllifləri Merkelin Şərqi Avropada NATO bazalarının yaradılması təşəbbüslərinə qarşı çıxmasına təəssüf ediblər. Onların sözlərinə görə, son illər Rusiya ciddi şəkildə Baltikyanı ölkələrdə təbliğat aparır və bunu hər addımda görmək mümkündür. Onlar həmçinin Rusiyanın Ukrayna ərazilərini, Krımı işğal etməsini pisləyiblər.

Xatırladaq ki, Merkel gələn həftə Latviyaya səfər edəcək.