Azərbaycan Prezidenti İlham Əliyev Qabon Respublikasının Prezidenti Ali Bonqo Ondimbaya və İndoneziya Respublikasının Prezidenti Susilo Bambanq Yudhoyonoya hər iki ölkənin milli bayramı - Müstəqillik günü münasibətilə məktub ünvanlayıb.

Axar.az Prezidentin rəsmi saytına istinadla xəbər verir ki, İlham Əliyev həmkarlarını və onların təmsil etdiyi xalqları öz adından və Azərbaycan xalqı adından ürəkdən təbrik edib, sülh və rifah arzulayıb, ölkələrimiz arasında münasibətlərin xalqlarımızın mənafelərinə uyğun olaraq bundan sonra da inkişaf edəcəyinə və genişlənəcəyinə ümidvar olduğunu xatırladıb.