Bakıda ümumilli lider Heydər Əliyevin anadan olmasının 92-ci ildönümü münasibətilə Gül bayramı keçirilir.

Axar.az xəbər verir ki, bu münasibətlə Heydər Əliyev Sarayının arxasında yerləşən parkda güllərdən əsrarəngiz kompozisiyalar düzəldilib.

Şəhər sakinləri və qonaqlar həmin kompozisiyalara maraqla tamaşa edir.

Bakı Şəhər İcra Hakimiyyətinin başçısı Hacıbala Abutalıbov Report-a bildirib ki, bayramla əlaqədar 80 ölkədən 2 milyondan çox gül gətirilib. Güllər müvafiq olaraq həmin ölkələrin gül mütəxəssisləri tərəfindən dizayn edilib. Burada rəngbərəng güllərdən hörülən, yazın gəlişinə həsr olunan kompozisiyalar nümayiş etdirilir.