1941-1945-ci illər müharibəsində qələbənin 70 illik yubileyi ilə əlaqədar Bakı şəhərində müharibə veteranlarının, arxa cəbhə zəhmətkeşləri nümayəndələrinin iştirakı ilə təntənəli yığıncaq keçirilir.

Axar.az xəbər verir ki, yığıncaq saat 16:30-da M.Maqomayev adına Azərbaycan Dövlət Filarmoniyasında baş tutacaq. Bir qrup müharibə veteranının mükafatlandırılacağı tədbirdə dövlət və hökumət nümayəndələri, Azərbaycanda akkreditə olunmuş bir sıra səfirliklərin, qeyri-hökumət təşkilatlarının təmsilçiləri və fəxri qonaqlar iştirak edəcək.

Mərasimin bədii hissəsində Ü.Hacıbəyli adına Azərbaycan Dövlət Simfonik Orkestrinin və Azərbaycan Dövlət Xor Kapellasının ifasında konsert prorqamı təqdim olunacaq.