Kreml sözçüsü Yuri Uşakov Moskvanın 2 noyabrda Donetsk və Luqanskda keçirilən seçkiləri tanımadığını bəyan edib.

Axar.az xəbər verir ki, Uşakov bölgədə keçirilən seçkilərə Kremlin "hörmət edirik" deməsinin seçkiləri "tanımaq" anlamına gəlmədiyini deyib.

Kreml rəsmisinin sözlərinə görə, keçirilən seçkilər barədə Xarici İşlər Nazirliyi rəsmi açıqlama verib: "XİN bu seçkilər barədə "hörmət edirik" ifadəsini işlədib. Amma bu o demək deyil ki, Rusiya Ukraynanın şərqində keçirilən seçkiləri tanıyır".

Xatırladaq ki, birtərəfli olaraq müstəqilliyini elan edən Ukraynanın şərq bölgəsi noyabrın 2-də keçirilən seçkilərdə yerli parlament və liderini seçib.