ABŞ rəhbərliyi 25-ə yaxın İran şirkətinə qarşı yeni sanksiyalar tətbiq etdiyini açıqlayıb.

Axar.az xəbər verir ki, ABŞ Maliyyə Nazirliyinin açıqladığı siyahıda nəqliyyat firmaları, hava yolları şirkətləri və 6 İran bankı var. Sözü gedən şirkətlər İranın nüvə proqramını və bölgədəki terrorizmi dəstəkləmək də günahlandırılır.

Ağ Evdən verilən açıqlamada İran hökumətinə qarşı təzyiqlərin davam etdiyi bildirilib. Şərhdə ABŞ-ın İrana qarşı sanksiya tətbiqinin davamında qərarlı olduğu vurğulanıb.

Xatırladaq ki, İran ilə Birləşmiş Millətlər Təşkilatının Təhlükəsizlik Şurasının 5 daimi üzvü və Almaniya arasında Vyanada keçirilən müzakirələrdə danışıqların bu ilin 24 noyabrına qədər yekunlaşdırılması barədə qərar verilmişdi.