Azərbaycanın tanınmış stilist-vizajisti Vəfa İbrahimzadə avtomobil qəzasına düşüb.

Vəfa İbrahimzadənin Avropa.info-ya verdiyi məlumata görə, hadisə aeroport yolunda baş verib.

Stilist bildirib ki, yüksək sürətlə hərəkət edən avtomobil qəfildən təkəri partlayıb. Bundan sonra avtomobil aşıb. Qəza nəticəsində V.İbrahimzadə ciddi bədən xəsarəti alıb.

V.İbrahimzadə deyib ki, avtomobildə onun ailə üzvləri də olub. Qəzada vizajistin qızı daxili orqanları zədələnərək, əməliyyat olunub.

V.İbrahimzadə deyib ki, hal-hazırda qızının vəziyyəti yaxşıdır.

Qeyd edək ki, Vəfa İbrahimzadə Avroviziya beynəlxalq mahnı müsabiqəsində stilist-vizajist kimi iştirak edib.