Ana səhifə İdman |
Tanqo sevgisi və argentinalı futbol komandası "San Lorenzoya" olan heyranlığı ilə tanınan Roma Papası Fransisko indi də basketbol marağına görə gündəmə gəlib.
Axar.az xəbər verir ki, Papa Fransisko Vatikanda dünyanın məşhur basketbol komandası "Harlem Qlobtrottersi" qəbul edib.
Oyunçulardan biri Papaya topu baş barmağının ucunda necə çevirəcəyini göstərib. Amma göstərilən hərəkəti etməyə çalışan Papa işin öhdəsindən gələ bilməyib.
Basketbol klubu Papanı fəxri üzv elan edərək ona 90 nömrəli forma hədiyyə edib. Papadan əvvəl komanda Cənubi Afrikanın əfsanəvi lideri Nelson Mandela daxil olmaqla cəmi 9 nəfərə fəxri üzvlük verib.
Xatırladaq ki, argentinalı Papa 2013-cü ilin avqustunda İtaliyanın paytaxtı Romada qarşı-qarşıya gələn İtaliya və Argentina milli komandalarının oyunçularını qəbul etmişdi.
Tarix
2015.05.08 / 12:43
|
Müəllif
Nilufər Muğantürk
|