Ana səhifə Planet |
Rusiya Prezidenti Vladimir Putin Pekində amerikalı həmkarı Barak Obama ilə bir neçə dəfə söhbət edib.
Axar.az RİA Novostiyə istinadla xəbər verir ki, Rusiya prezidentinin Mətbuat katibi Dmitri Peskovun sözlərinə görə, söhbət qısa sürsə də, prezidentlər ikitərəfli münasibətlərdən danışıb, eləcə də Suriya, Ukrayna və İran məsələlərinə də toxunublar.
"ASİƏ (Asiya Sakit okean İqtisadi Əməkdaşlığı) sammitinin işi zamanı fasilələrdən qısa danışıqlar üçün istifadə edilib", - deyə Peskov jurnalistlərə bildirib.
Putin həmçinin Vyetnam, İndoneziya prezidentləri ilə də görüşməyə vaxt tapıb, gündəlik ikitərəfli məsələləri müzakirə edib.
Jurnalistlərin "Putin və Obama İŞİD-lə mübarizə mövzusunu da müzakirə ediblərmi?" sualına Peskov "Deyə bilmərəm, bilmirəm", - deyə cavab verib.
Tarix
2014.11.11 / 17:30
|
Müəllif
Təhminə C.B.
|