Ana səhifə Planet |
Amerikada nəşr olunan "Nəşnl İnterest" (The National Interest) jurnalı bir çox parametrləri nəzərə alaraq dünyanın ən güclü 5 ordusunun siyahısını dərc edib.
Axar.az xəbər verir ki, jurnalın hazırladığı siyahıda ilk sırada ABŞ ordusu qərarlaşıb.
535 min əsgəri olan ABŞ müasir hərbi silaha və məntiqi sistemlərə sahibdir.
Çin Xalq Azadlıq Ordusu siyahıda ikinci sırada yerləşir. Yalnız quru qoşunlarında 1 milyon 600 min əsgəri olan Çinin qlobal diametrdə mübarizələrdə iştirak etmək üçün kifayət qədər gücə sahib olduğu bildirilir.
Jurnalın siyahısında üçüncü sırada 1 milyon 120 minlik ordu ilə Hindistan yer alır. "Nəşnl İnterest"ə görə, coğrafi baxımdan ənənəvi rəqibləri Pakistan və Çin arasında qalan Hindistan sərhədlərini qoruyacaq güclü orduya ehtiyac duyur. Həmçinin, ölkədə tez-tez baş verən iğtişaşlar və qeyri-sabit vəziyyət Hindistanın güclü quru qoşunlarına sahib olmasını tələb edir.
Siyahının dördüncü sırasında 285 min əsgərlə Rusiya qərarlaşıb. Bu ABŞ ordusunun yarısı qədərdir. Rus ordusunun yaxşı təchizata sahib olduğu və 90-cı illərdə Çeçenistandakı müharibədə yaxşı döyüş təcrübəsi yığdığı bildirilir.
Dünyanın beşinci ən güclü ordusu adını isə 102 min əsgərlə Birləşmiş Krallıq qazanıb. Britaniya Avropanın ən güclü ordusuna sahibdir və quru, dəniz və havada bir çox əməliyyatları yerinə yetirmək imkanına malikdir.
Tarix
2014.11.11 / 00:08
|
Müəllif
İlham Sahiloğlu
|